dr geschtriche dag hôt'r gsuacht
ond
von de husara gschrieba
au ällerlei rausch
des hôt schbädr maine kendr
gfalla
mid villon uf dr walz
hôt'r dr hemml hembeer rod
ghoißa
ond d' ärde ärdbeer rod abr
aigendlich
hôt'r vom hemml ond dr hölle
gschwädzd
ond des was drzwischa isch dr liabe
om dr jasminzweig net dzbrächa
hôt'r sai härz brocha
net sai word en koiner schprôch
denn dô isch'r dôhoim gwä
ond hôt
dr ôbend näba des ai gschdellt.