Beruhigung 1
Entweder Ausländer oder Nochber
Ois so schlemm wia s andere -
Aber emmer alloi sei meaße wär au nix
Lauder Mischleng on Flichdleng
wo sich zrechdwurschdla
on zrechdzurra wölled
daß se endlich Schwooba sei dirfad
Dabei däds ja scho langa
daß morga friah
so a Schdernabröggele
a zemlich groß
granadamäßig reignalla däd -
womöglich grad bei ons
Beruhigung 2
Dahoim hosch afanga koi Wert meeh
Aber dromrom -
Wenn da irgendwo uff dr Welt
dein Geldbeidl uff dr Tresa gnallsch -
da verschreggadse noch!
Ha a bessere Werbong für Deutschland
Gibts doch gar ned!
Beruhigung 3
(Was dr Descartes eigentlich saga wölla hod)
I reeg me uff
also bene
weil OIN Feind brausch emmer -
sonsch lääbsch jo ned!