Peter Schlack
Alte Postkarten
wia em Buch
a Landschfd
wia se
em Buach schdood
ond do
wird mr se
ao bald
blooß no
fenda
Bräddr midd Neegl
wenn se heersch
machadd dia polidiggr
an dr Regiirong
blooß Neegl
midd Kepf
abr dia
Bräddr drzwischa
grigadd ällaweil
mir
an dr Meggl gnaagld
Hendadae
hedadrae bisch
äwll gscheidr
ond des isch
ao scho äbbas
s gibt nadiirlich
ao solche
dia wissadd
vorhär scho
emmrr ällas
bessr
abr des
wär mir
uffd Dauer
z langweilig
Dr Grach
wenn mir
scho morgens
om da Grach
nedd romm kommadd
noh wenigschdens
geega Obend
a gscheide
vrseenong
Bluama geega KKW
wär do gwennd
woess mr
abr dees
dauerd hald
a halbe Ewigkaed
jedam sae Greuz
glaob mrs noh
nedd blooß dr Jesas
hodd sae Greiz
draaga miassa
omsr oem
hen ses
ofd scho
osda gloe broche
moe
an dem
hosch z dragadd
An End
zomma guada End
äbbas z brengadd
isch ofd leichdr
wia a
schlächds End
nedd nausschiaba