So laoft s bei ons
Sagt oener grad wia s isch
nd dô, wo s fault em Land
nô gibt s koe Diskussio
weil s Feindbild schdemmt

Ond weil er rächt hôt
ond - hier stehe ich
ich kann nicht anders -
weider drugga leßt
wo s meichelt
nô leßt mer nôchgugga
ob där am End et schwual isch
oder Schulda hôt
wemmer-n scho andersch
et kô pagga

Bei dem, dô hen
se nigs därgleicha gfonda
Jedz hen se gsagt
Dô lemmer oefach
onsern Oflat naus
Des hilft
wie bei de andre ao

Bloß daß nô freilich
jeder gschmeggt hôt
en dem Land
aus welle Lecher
s schdenggt